Beth Ditto, parece que dis Bendito.

Cando unha muller de obesidade mórbida ten a suficiente personalidade como para espirse no escenario ante unha audiencia na súa maior parte adolescente, tes que mirar pra ela e dicir, olé, e sacar o chapeu. Beth Ditto é de Arkansas, diría algún que en Arkansas só hai vacas e homosexuais, facendo o chiste fácil ela é as dúas cousas, e feminista, e sobretodo cantante, e a súa voz está chea de forza e de sangue negra que en principio non ten.


En 1999 a susodicha formou un grupo que mezcla rock con musica de baile, e arrasaron, o seu nome; The Gossip, "A Cotilla" ou "O Cotilleo". Os outros dous compoñentes do grupo son Brace Paine (guitarra) e mais Hannah Blilie (batería) Son coma os White Strippes, máis bailables e moito menos escuros , pero con algunha relación, ou iso parece. O seu último disco, Standing in the way of control (2006) marcou unha nova vertente do indie rock nos EEUU, sen dúbida val a pena botarlles un vistazo.

A rapaza en cuestión non é parva, escribe no periódico The Guardian, e nunha ocasión dixo que de pequena comía esquíos, facendo unha broma con respecto ó seu peso, tema có que lle gusta frivolizar, con iso e coa súa sexualidade, carnaza para o amarillismo anglosaxón, só queda esperar que, como ocurre moitas veces, o personaxe non trague ó artista coma se fora un esquío.